०५ साउन २०८१, शनिबार

रासस, सिन्ह्वा

२ वर्ष अगाडि

बेइजिङ, २९ फागुन । चीनमा केही दिनयता कोरोना भाइरसका संक्रमित बढ्न थालेको पाइएको छ । यहाँ यो संक्रमण भएका व्यक्तिको संख्या बढ्न थालेको बताइएको छ ।
चीनका विभिन्न सहरमा बुधबार मात्र कोरोना भाइरसका संक्रमितको संख्या एक हजार ८०० भन्दाबढी पुगको यहाँका स्वास्थ्य अधिकारीले जनाएका छन् ।
यहाँ गत शुक्रबार ५०० भन्दा केही बढी संक्रमित देखिएकामा शनिबार मात्र एक हजार ८०० भन्दा पनि बढी भेटिएका बताइएको छ ।
त्यहाँ थप संख्यामा कोरोना भाइरसका संक्रमित भेटिन थालेको चीनको नेशनल हेल्थ कमिसनले दिएको जानकारीमा जनाइएको छ ।
सो कमिसनका अनुसार चीनभित्रै पनि संक्रमणका थप व्यक्ति भेटिएका हुन् । शनिबार भेटिएका एक हजार ८०७ जनामध्ये जिलिनमा मात्र एक हजार ४०० भन्दाबढी संक्रमित पाइएका बताइएको छ ।
यहाँ जिलिन, सांदोन, सान्सी प्रान्तका केही स्थानमा संक्रमित पाइएका हुन् । यसमध्ये सबैभन्दा बढी जिलिनमा छन् । जिलिनमा हरेक दिन संक्रमितको संख्या बढ्दै गएको पाइएको बताइएको छ ।
चीनमा पछिल्लो समयमा संक्रमित भेटिन थालेपछि यहाँको सरकारले कोरोनाबाट निको भएका नागरिकमा पनि पुनःस्वास्थ्य जाँच गर्न सुरु गरेको छ ।
त्यहाँका सबैजसो नागरिकालाई कोरोना पुनःहुनसक्ने सम्भावनालाई मध्यनजर गर्दै चीनले नागरिकको निरन्तर परीक्षण गरिरहेको बताइएको छ । त्यहाँ अहिले पनि करिब पाँच हजार नागरिक कोरोना संक्रमित भइ उपचार गराइरहेका बताइएको छ ।

आइतबार, फाल्गुण २९, २०७८मा प्रकाशित गरिएको
मिल्दोजुल्दो
Our team

सम्पादक: शिव बहादुर कार्की

Contact

दर्शन प्रकाशन प्रा. लि.
विराटनगर -९, प्रदेश न. १ नेपाल
फोन: ०२१-५३५३२६,मो.९८५२०२११४६
इमेल: [email protected]