०८ माघ २०७८, शनिबार

Darshan Daily

२ महिना अगाडि

इलाम, २१ मंसिर । माईजोगमाई अध्यक्ष कपमा माई नगरपालिकाले बिजयी सुरुवात गर्दै सेमीफाइनल प्रवेश गरेको छ । उद्घाटन खेलमा माई नगरपालिकाले घरेलु टोली माईजोगमाई निलो माथि ३–१ गोल अन्तरले जित निकाल्दै बिजयी सुरुवात गरेको हो ।
पहिलो हाफमा १–० को अग्रता बनाएको घरेलु टोलीले दोश्रो हाफमा सम्हालिन नसक्दा ३ गोल व्यहोर्न पुग्यो । खेलको सातौं मिनेटमा पाएको पेनाल्टीलाई माईजोगमाईले सदुपयोग गर्न सकेन् । माईजोगमाईका खेलाडीको प्रहार माईका गोलरक्षक सञ्जय गुरुङले क्लियर गरिदिए । १२ औं मिनेटमा कप्तान सुदिप थेवेले माईजोगमाईलाई सुरुवाती अग्रता दिलाए । पहिलो हाफमा १–० ले पछि परेको माईको लागि खेलको ३७ औं मिनेटमा हरि मगरले बराबरी गोल फर्काए । ६५ औं मिनेटमा मिलन गुरुङले गोल गरेपछि माईले खेलमा २–१ गोल अन्तरको अग्रता बनायो । इन्जुरी समयमा सुजन तामाङले गोल गरेपछि माई ३–१ गोल अन्तरको जीत निकाल्दै सेमीफाइनलमा स्थान बनाउन सफल रह्यो ।
खेलको म्यान अफ दि म्याच हरि मगर घोषित हुँदै मेडल र ट्रफी प्राप्त गरे । दोश्रो क्वाटरफाइनल खेलमा बुधबार गाडागल्ली इनोभेटिक झापा र पाहुना टोली भारतको मानेभञ्ज्याङ फुटबल क्लबबीच हुँदैछ ।
बालाचर्तुदर्शीको पावन अवसरमा बालागुरु खेलमैदानमा जारी प्रतियोगितामा माईजोगमाई निलो, माईजोगमाई रातो, माई नगरपालिका इलाम, रेडहर्स क्लब इलाम, पाँचथर फुटबल क्लब, गाडागल्ली इनोभेटिक सोसाइटी झापा, जनता सेभेन सूर्योदय र भारतको मानेभञ्ज्याङ एफसीको सहभागिता रहेको छ ।
प्रतियोगिताको विजेताले २ लाख र उपविजेताले १ लाख सहित शिल्ड, मेडल र प्रमाणपत्र प्राप्त गर्नेछ ।

मंगलबार, मंसिर २१, २०७८मा प्रकाशित गरिएको
मिल्दोजुल्दो
Our team

सम्पादक: शिव बहादुर कार्की

Contact

दर्शन प्रकाशन प्रा. लि.
विराटनगर -९, प्रदेश न. १ नेपाल
फोन: ०२१-५३५३२६,मो.९८५२०२११४६
इमेल: [email protected]