काठमाडौं, १० कार्तिक । राष्ट्रपति विद्यादेवी भण्डारीले विजया दशमीका अवसरमा सोमबार आमा मिथिला पाण्डेका हातबाट बिहान १० बजेर १९ मिनेटको शुभसाइतमा टीका ग्रहण गर्नुभएको छ ।
राष्ट्रपति भण्डारीले राष्ट्रपति कार्यालय, शीतल निवासमा आमाबाट विजया दशमीको टीका र जमराका साथै आशीर्वाद ग्रहण गर्नुभएको राष्ट्रपतिका स्वकीय सहसचिव शिव भट्टराईले जानकारी दिनुभयो ।
सो अवसरमा राष्ट्रपति भण्डारीले छोरीज्वाइँहरू उषाकिरण, निशाकुुसुम, उमेश थापा र अभिषेक यादव तथा दुई नातिनी एवं पाश्र्ववर्तीहरूलाई पनि टीका लगाइदिनुभयो ।