विराटनगर, १४ असोज । प्रदेश १ सामाजिक विकास मन्त्रालयले एक सडक आश्रित महिलाको उद्दार गरेको छ ।
सामाजिक विकास मन्त्री जीवन घिमिरे, प्रदेश सांसद कुशल साम्वालगायतको टोलीले बुधबार मोरङको बुढीगंगा–१ बाट २१ बर्षीया धना विश्वकर्माको उद्दार गरेको हो ।
स्थायी ठेगाना बताउन नसक्ने उनी करिव एक सातादेखि सडकमा बसेको स्थानीय यूवाहरुले मन्त्रालयलाई जानकारी गराएपछि उद्दार गरिएको हो ।
सडकबाट उद्दार गरी प्रदेश १ जनस्वास्थ्य प्रयोगशालामा उनको स्वाव परीक्षण गरी आईसोलेसनमा राखिएको छ । कोरोना परीक्षण रिपोर्ट आएपछि मानव सेवा आश्रममा लगिने मन्त्रालयले बताएको छ ।
महिलाको उद्दार गर्दै सहयोगापेक्षी सडक आश्रित मानवमुक्त प्रदेश निर्माण गर्ने अभियानमा सरकार लागि परेको मन्त्री घिमिरेले बताउनुभयो ।