बिराटनगर, १ साउन । जिल्ला प्रहरी कार्यालय मोङले लुटपाटमा संलग्न ४ जनालाई पक्राउ गरेको छ ।
विभिन्न समयमा लुटपाटमा संलग्न बिराटनगर–५ का सुरज उराव, राकेश सतार, अजय सतार र अनिल उरावलाई जिप्रका मोरङबाट खटिएको प्रहरीको टोलीले बुधबार पक्राउ गरेको हो ।
उनीहरुले २०७६ बैशाख ११ गते साँझ बिराटनगर–२ का दिपेन्द्र बिश्वासलाई लुटपाट गरी मोवाइल र नगद लुटपाट गरेका थिए । उनीहरुले बिश्वासको अप्पो मोवाइल १, सिमकार्ड २ र नगद १ हजार ५ सय लुटपाट गरी फरार रहेका थिए ।