विराटनगर, ४ असार । प्रदेश नं. १ का प्रदेश प्रमुख सोमनाथ अधिकारी (प्यासी) ले नेपालका संविधान दोश्रो संशोधन प्रमाणीकरण भएको खुशीमा विराटनगर–१३ स्थित निवासमा दीप प्रज्वलन गर्नु भएको छ ।
राष्ट्रपति विद्यादेवी भण्डारीबाट नेपालका संविधान (दोश्रो) संशोधन विधेयक–२०७७ बिहीबार प्रमाणीकरण भएको हो ।
नेपालको संविधान (दोश्रो) संशोधनमा लिपुलेक, लिम्पियापुर र कालापानीसहित नेपालको नक्सा अंकित निशान छाप गत शनिबार प्रतिनिधि सभाबाट दुई तिहाई बहुमत र बिहीबार राष्ट्रिय सभाबाट सर्वसहमतिमा पास भएको छ ।