३० आषाढ २०८१, शनिबार

Darshan Daily

७ महिना अगाडि

लेटाङ, २२ मंसिर । कोशी प्रदेशका मुख्यमन्त्री केदार कार्कीले २९.६० लम्बाइको लेटाङ–६ नं बुधबारे सडकको शिलान्यास गर्नुभएको छ । शुक्रबार पूर्वाधार विकास कार्यालयले लेटाङमा आयोजना गरेको सडक शिलान्यास समारोहमा मुख्यमन्त्री कार्कीले रणनीतिक योजनाको सडकको शिलान्यास गर्नुभएको हो ।
पाँचथरको मिक्लाजुङ गाउँपालिका र धनकुटाको चौबिसे गाउँपालिका साथै इलाम तथा ताप्लेजुङका स्थानीयलाई समेत प्रदेशको राजधानी विराटनगर आउन छिटो पर्ने सडक रणनीतिक योजनाको सडक भएको मुख्यमन्त्री कार्कीले शिलान्यास समारोहमा बताउनु भयो । उहाँले भन्नुभयो, ‘सडक निर्माणपछि त्यस भेगका कृषि उत्पादन बजारसम्म पु¥याउनका साथै उत्पादनमा लाग्ने साधन श्रोतलाई किसानसम्म पु¥याउनका लागि महत्वपूर्ण हुन्छ ।’
अब अन्य आयोजनाको छनौट गरेर आवश्यताका आधारमा निर्माण हुने बताउँदै मुख्यमन्त्री कार्कीले सम्पन्नता गर्ने ग्यारेन्टीसहित योजना छनौट हुने बताउनुभयो । कार्यक्रममा सहभागी वक्ताहरूले समयमै निर्माणको कार्य सकेर जनतालाई सेवा दिनुपर्नेमा जोड दिएका छन् ।
सो सडकको सन्तोषी–जोया एण्ड ब्रोदर्स जेभीले २०८३ वैशाख २८ गते सम्पन्न गर्ने गरी ८७ करोड तीनलाख ५३ हजार २७ रुपैंया ७० पैसामा ठेक्का सम्झौता गरेको छ । निर्माण व्यवसायीका सञ्चालक भीम पौडेलले समयमै गुणस्तरीय काम गरेर सडक हस्तान्तरण गर्ने बताउनु भयो ।
भौतिक पूर्वाधार विकाश मन्त्रालय कोशी प्रदेशका सचिव रमेशकुमार सिंहको सभापतित्वमा भएको कार्यक्रममा सम्बन्धित स्थानीय तहका प्रमुख तथा प्रतिनिधिहरूका साथै सरोकारबाला निकायको समेत सहभागिता रहेको थियो ।

शुक्रबार, मंसिर २२, २०८०मा प्रकाशित गरिएको
मिल्दोजुल्दो
Our team

सम्पादक: शिव बहादुर कार्की

Contact

दर्शन प्रकाशन प्रा. लि.
विराटनगर -९, प्रदेश न. १ नेपाल
फोन: ०२१-५३५३२६,मो.९८५२०२११४६
इमेल: [email protected]