इटहरी, १६ जेठ । इटहरी उपमहानगरपालिकाका प्रमुख द्वारिकलाल चौधरी स्वास्थ्यकर्मीको टोलीसहित कोरोना संक्रमित भएर होम आइसोलेसनमा बसेकाहरुको घर घरमा पुग्नु भएको छ ।
इटहरी वडा नम्वर १३, १६ र १७ का छ वटा घरमा इटहरी अस्पतालकी स्टाप नर्स विनिता खतिवडा र होम आइसोलेसन सर्पोट टिमका विशाल दाहालसहित संक्रमितहरुलाई भेट्न पुग्नु भएको हो ।
संक्रमितहरुको स्वास्थ्य अवस्थाको बारेमा प्रमुख चौधरीले जानकारी लिनुभयो । उहाँले उपमहानगर जनताको साथमा रहेको बताउनुभयो । संक्रमितहरुलाई स्वास्थ्यकर्मीको टोलीले स्वास्थ्य परामर्श दिएका छन् । होम आइसोलेसनमा बस्दा पु¥याउनुपर्ने सावधानीको बारेमा जानकारी दिइएको छ । स्वास्थ्यकर्मीहरुको टोलीसहित नगर प्रमुख घरमै आइपुग्दा आधा विराम निको भएको संक्रमितहरुले प्रतिक्रिया दिएका छन् । समस्या परेको बेला स्थानीय सरकार घरमै आउँदा उपमहानगर जनता प्रति उत्तरदायी रहेको पाएको उहाँहरुको भनाई छ ।