बिराटनगर, २ मंसिर । इलाका प्रहरी कार्यालय लेटाङले जुवा खेलिरहेका ७ जनालाई नगदसहित नियन्त्रणमा लिएको छ ।
प्रहरीले सोमबार राति २ बजे लेटाङ–९ जाँते स्थित स्वेता मगरको घरबाट ७ जनालाई १ लाख ८८ हजार ७ सात ४५ रुपैंयासहित नियन्त्रणमा लिएको हो ।
जुवा खेलिरहेको सूचनाका आधारमा प्रहरीले उनीहरुलाई नियन्त्रणमा लिएको जनाएको छ । पक्राउ पर्नेहरुमा लेटाङ–९ जाँतेका ददिराम पौडेल, निर्मल मगर, रन्जित गजमेर, नरध्वज खड्का, चन्द्रबहादुर गौतम, सिरिकुमार पुलामी मगर, र तेह्रथुम मेन्सायोङ गाउँपालिका–३ का यमकुमार शेर्पा रहेका छन् ।
प्रहरीले उनीहरुको साथबाट नगदसहित कौडा १ सेट, तास ६ बुक र मोवाईल १६ थान नियन्त्रणमा लिएको छ । नियन्त्रणमा लिइएका उनीहरुको थप अनुसन्धान भइरहेको प्रहरीले जनाएको छ ।