३० आश्विन २०७८, शनिबार

Darshan Daily

१२ महिना अगाडि

किमाथांका, १८ कार्तिक । संखुवासभा खाँदबारी नगरपालिका–१ का मिनेष श्रेष्ठ होटल व्यवसाय छाडेर तीतेपाती खेतीतर्फ आकर्षित हुनु भएको छ ।
‘तीतेपाती रोपौं एक लाख कमाऔँ’ भन्ने अभियानका साथ खाँदबारी बजारमा होटल व्यवसाय संचालन गर्दै आउनुभएका उहाँले दुई वर्षअघिदेखि २० रोपनी बाँझो जग्गा भाडामा लिएर तीतेपाती खेती शुरु गर्न थालेको जानकारी दिनुभयोे ।
काठमाडौँस्थित यमासो प्रा.लि. मा व्यवसायिक खेतीको तालिम लिनु भएका मिनेषले ‘मिनेष तीतेपाती तथा जडीबुटी उद्योग’ नामक फर्म दर्ता गरी १८ हजारकोे बिरुवा लगाउनु भएको थियो ।
अहिले थप २० रोपनी जग्गामा आर्टिमिसीया र भल्गरिस जातका तीतेपाती लगाइएको र भाडामा लिएको जग्गाका लागि वार्षिक २५ हजार तिर्दै आएको उहाँले जानकारी दिनुभयो । बारीबाटै प्रतिगोटा एकका दरले तीतेपातीको बिरुवा बिक्री हुने र प्रतिकेजी ५० का दरले सुकेको तीतेपाती यमासो कम्पनीमै पठाउने गरेको बताउनुभएका निमेषले उक्त कम्पनीले वर्षको १० टन तीतेपाती माग गरिरहे पनि मागअनुसारको आपूर्ति गर्न नसकेको जानकारी दिनुभयो ।
अहिले छिमेकी जिल्ला भोजपुर तथा धनकुटाबाट समेत बिरुवा किन्न आउन थालेका छन् । तीतेपातीबाट नसर्ने खालका विभिन्न रोगको उपचार तथा दैनिक उपभोगमा समेत यसको महत्व बढ्दै आएको छ । उक्त व्यवसाय संचालनका लागि कृषि ज्ञान केन्द्रबाट उहाँले ३० हजार र डिभिजन वन कार्यालयबाट तीन लाख आर्थिक सहयोग प्राप्त गरेको जानकारी दिनुभयोे ।

मंगलबार, कार्तिक १८, २०७७मा प्रकाशित गरिएको
मिल्दोजुल्दो
Our team

सम्पादक: शिव बहादुर कार्की

Contact

दर्शन प्रकाशन प्रा. लि.
विराटनगर -९, प्रदेश न. १ नेपाल
फोन: ०२१-५३५३२६,मो.९८५२०२११४६
इमेल: [email protected]