०३ कार्तिक २०७८, बुधबार

Darshan Daily

१२ महिना अगाडि

विराटनगर, ५ कार्तिक । लाञ्छनारहित सुरक्षित गर्भपतनका लागि समाजमा जनचेतना जागृत गराउन संचारकर्मीहरुको ठूलो भूमिका रहेको यहाँ आयोजित एक कार्यक्रममा वक्ताहरुले बताउनु भएको छ ।
नेपाल परिबार नियोजन मोरङद्वारा बुधबार यहाँ आयोजित ‘लाञ्छनारहित सुरक्षित गर्भपनसम्वन्धी संचारकर्मीहरुका लागि अभिमुखीकरण कार्यक्रममा उहाँहरुले महिलाको आफ्नो शरीरमा पहिलो हक हुनाले सुरक्षित गर्भपतन मानवअधिकारको हक पनि रहेको हो भन्नु भयो ।
सामाजिक लाञ्छनाका कारण आत्महत्यामा वृद्धि हुने, उनीहरुमा आत्मविश्वाको कमी हुने, सामाजिक वहिष्कार हुने, वैवाहिक सम्वन्ध टुट्ने, तथा असुरक्षित गर्भपतन हुँदा मातृमृत्यु दर बढ्ने हुनाले यसलाई नियन्त्रण गर्न सञ्चारकर्मीहरुले आफ्नो क्षेत्रबाट जनतामा सुरक्षित गर्भपनका सम्वन्धमा जागृत गराउने भूमिका खेल्नु पर्नेमा जोड दिएको थियो ।
शाखा प्रमुख शंकर दाहालले लाञ्छना रहित सुरक्षित गर्भपतन सम्वन्धमा कार्यपत्र प्रस्तुत गर्नु भएको थियो भने केन्द्रीय सदस्य सुभाष निरौला र युवा संयोजक स्नेहा गुभाजुले सुरक्षित गर्भपतन वाध्यात्मक यरिस्थितिको उपज हो, यो परिबार नियोजनको साधन होइन भन्नु भयो ।
संघले सन् २०२० को पहिलो छ महिनाको अवधिमा ५१ हजार व्यक्तिलाई विभिन्न प्रकारका सेवा प्रवाह गरेको छ । कोरोना महामारी यस विषम परिस्थितिमा पनि संघले आफ्नो सेवालाई निरन्तर प्रवाह गरिरहेको छ भने ‘निःशुल्क सेनेटरी प्याड’ वितरणका सम्वन्ध केन्द्रमा प्रस्ताव पठाएको प्रमुख दाहालले जानकारी दिनु भयो । संघले दक्ष चिकित्सक एवं स्वास्थ्यकर्मीहरुबाट १२ हप्तासम्मको सुरक्षित गर्भपतन न्यूनतम शुल्कमा गर्दै आएको छ ।

बुधबार, कार्तिक ०५, २०७७मा प्रकाशित गरिएको
मिल्दोजुल्दो
Our team

सम्पादक: शिव बहादुर कार्की

Contact

दर्शन प्रकाशन प्रा. लि.
विराटनगर -९, प्रदेश न. १ नेपाल
फोन: ०२१-५३५३२६,मो.९८५२०२११४६
इमेल: [email protected]