बिराटनगर, २४ जेठ । प्रहरीले अवैध रुपमा भन्सार छली ल्याएको सामानहरु बरामद गरेको छ ।
जिल्ला प्रहरी कार्यालय मोरङबाट खटिएको प्रहरी टोलीले मंगलबार बिराटनगर–११ शिवम् गणपती ट्रेडिङको गोदामबाट छ लाख एकहत्तर हजार बराबरको अवैध सामानहरु बरामद गरेको हो ।
ट्रेडिङको गोदाममा भन्सार चोरी पैठारी गरी अवैध रूपमा भण्डारण गरी राखेको बिना बिलको मासको दाल १९७ बोरा, पहेंलो तोरी ४ बोरा र केराउ ४ बोरा बरामद गरेको हो ।
प्रहरीले बरामद गरेको सामनहरु आवश्यक कारवाहीको लागि राजस्व अनुसन्धान कार्यालय ईटहरी सुनसरीमा बुझाएको जनाएको छ ।