बिराटनगर, २३ माघ । प्रहरीले लागू औषध ब्राउन सुगरसहित ४ जनालाई पक्राउ गरेको छ ।
इलाका प्रहरी कार्यालय पथरीबाट खटिएको प्रहरी टोलीले कानेपोखरी–५ मा लागू औषध ब्राउन सुगरसहित ४ जनालाई शनिबार पक्राउ गरेको हो ।
प्रहरीले बेलवारी–७ का रूपक श्रेष्ठ, कृष्ण रणपहेली, बेलवारी–९ का रामदेव चौधरी र कानेपोखरी–५ का रवी चौधरीलाई ३.४० ग्रामसहित पक्राउ गरेको हो ।
प्रहरीले उनीहरुलाई लागु औषध कसूरमा १० दिन म्याद थप भई थप अनुसन्धान भइरहेको जनाएको छ ।