३० आश्विन २०७८, शनिबार

Darshan Daily

५ महिना अगाडि

विराटनगर, १४ जेठ । नेपाल रेडक्रस सोसाईटी प्रदेश समितिले प्रदेश १ सरकारलाई स्वास्थ्य सामग्री हस्तान्तरण गरेको छ ।
रेडक्रसका केन्द्रीय सदस्य उमेश थापा, प्रदेश समितिका अध्यक्ष नरेन्द्र पोखरेल, कोषाध्यक्ष ओमप्रकाश गौतमले शुक्रबार सामाजिक विकास मन्त्री उषाकला राईलाई स्वास्थ्य सामग्री हस्तान्तरण गर्नुभएको हो ।
रेडक्रसले अक्सिजन कन्सन्ट्रेटर १० थान, पीपीई सेट ३ सय थान र सर्जिकल मास्क १० हजार थान मन्त्री राईलाई हस्तान्तरण गरेको छ । मन्त्री राईले स्वास्थ्य सामग्री ग्रहण गर्दै रेडक्रसलाई धन्यवाद दिनुभयो ।
यसैबीच आईपास नेपालले स्वास्थ्य सामग्री सामाजिक विकास मन्त्री राईलाई हस्तान्तरण गरेको छ । प्रदेश सरकारलाई आईपासले उपलब्ध गराएको स्वास्थ्य सामग्री एवीसी नेपालकी प्रदेश अध्यक्ष तथा कोभिड रेस्पोन्स टाक्स फोर्स मोरङकी प्रतिनिधि विष्णु पन्त शर्माले हस्तान्तरण गर्नुभयो ।
हस्तान्तरण गरिएका स्वास्थ्य सामग्रीहरुमा पीपीई सेट, सर्जिकल मास्क, एन ९५ मास्क, स्यानिटाईजर रहेको छ । १ लाख १८ हजारको स्वास्थ्य सामग्री हस्तान्तरण गरिएको शर्माले बताउनुभयो ।

शुक्रबार, जेठ १४, २०७८मा प्रकाशित गरिएको
मिल्दोजुल्दो
Our team

सम्पादक: शिव बहादुर कार्की

Contact

दर्शन प्रकाशन प्रा. लि.
विराटनगर -९, प्रदेश न. १ नेपाल
फोन: ०२१-५३५३२६,मो.९८५२०२११४६
इमेल: [email protected]